تعملي معروف............. شدي رحيلك عني
عانيت منك خوف.........ظلم وخطا واتجني
قولي علي خدعتك
قولي غدرت وبعتك
قولي اللي اتقوليه غير ابعدي عني
عشقتك القيتك.......عاشقة تعذيبي
تبعتك القيتك.........ناوية تغريبي
قلتي كلام القيت......غير الكلام افعالك
صبري نفذ مليت.....من زيف كل اقوالك
وين ننشدك:
ليش الخطايا درتي؟.....وليش فالغلا بدلتي؟؟....
اتلومي علي ليام
واتعاتبي لقسام.........واتقولي ظروف!!!!!!
يعني الظروف اللي خذاتك مني
والا الظروف اللي لهاتك عني
تعملي معروف شدي رحيلك عني
تعملي معروف ماني خلاص رفيقك
طريقي اخلاف طريقك
عندي الطريق امان.....امغالاة م الوجدان
وين ما حبيبي كان.....امعاه الخيال ايطوف
وانتي طريقك حيرة
انجي لدرب نلقى غيره
فيه الدروب كثيرة......وبالخطر محفوف
وتعملي معروف .....شدي رحيلك عني
ليست هناك تعليقات:
إرسال تعليق